Адрас райвыканкама:
211800, Віцебская воб., г. Глыбокае, вул. Леніна, 42

Тэлефон прыёмнай:
8 (02156) 2 24 65

Панарама горада
Панарама горада
Галоўная / Эканоміка / Знешнеэканамічная дзейнасць

Знешнеэканамічная дзейнасць

Галоўнай мэтай знешнеэканамічнай дзейнасці Глыбоцкага раёна з’яўляецца далейшае пашырэнне экспарту тавараў і паслуг, забеспячэнне збалансаванасці знешнегандлёвых аперацый на аснове ажыццяўлення эфектыўнай знешнегандлёвай палітыкі.

У Глыбоцкім раёне 27 арганізацый (у тым ліку без ведамаснай падначаленасці 16), якія з’яўляюцца ўдзельнікамі знешнеэканамічнай дзейнасці па экспарту (імпарту) тавараў і паслуг.

Прыярытэтнымі накірункамі рэгіянальнай эканамічнай палітыкі Глыбоцкага раёна з’яўляюцца:

  • укараненне новых тэхналогій, новага тэхналагічнага абсталявання, што дазваляе павысіць якасныя характарыстыкі вырабленай прадукцыі, работ і паслуг да ўзроўню міжнародных стандартаў;
  • асваенне вытворчасці новых відаў прадукцыі з высокай дабаўленай вартасцю, сертыфікаванай па сучасных міжнародных стандартах якасці, дастатковых для сістэматычнага нарошчвання экспартных паставак;
  • захаванне і ўмацаванне канкурэнтных таварных пазіцый арганізацый раёна на традыцыйных рынках Расіі, Казахстана, а таксама пашырэнне рынкаў збыту ў краінах далёкага замежжа;
  • пашырэнне і дыверсіфікацыя тавараправоднай сеткі арганізацый;
  • актыўнае развіццё экспарту ўсіх відаў паслуг.

Знешнегандлёвы абарот таварамі ў цэлым па раёне за студзень-жнівень 2013 года склаў 66 млн. долараў ЗША, у тым ліку экспарт-58,7 млн. долараў, імпарт -7,3 млн. долараў. Склалася станоўчае сальда знешняга гандлю ў памеры 51,4 млн. долараў.
У 2013 годзе арганізацыямі раёна ажыццяўляліся пастаўкі тавараў на рынкі 16 дзяржаў. З агульнага аб’ёму экспарту на долю Расіі выпала 83%, Казахстана -12%.
Імпартавалася прадукцыя з 21 краіны. Асноўнымі гандлёвымі партнёрамі былі Германія (17%), Украіна (5,5%), Польшча (6,4%), Іспанія (7,9%), Нідэрланды (8,5%), Расія (27%).

Аснову таварнай структуры экспарту раёна складаюць мяса-малочныя прадукты.
У таварнай структуры імпарту пераважалі машыны, абсталяванне і апаратура; вырабы з металу: бляха, дрот; запчасткі да машын і абсталявання; прадукцыя харчовай прамысловасці; каштоўныя металы і вырабы з іх; пластмасы і вырабы з іх.
Экспарт паслуг за студзень-жнівень 2013 года склаў 1,4 млн. долараў ЗША, сальда станоўчае і склала 1,3 млн. долараў ЗША. Асноўная доля экспарту выпадае на транспартныя паслугі, якія складаюць 94,2 % усяго экспарту паслуг. Асноўнымі экспарцёрамі паслуг з’яўляюцца арганізацыі без ведамаснай падначаленасці (94,2 %): ПГУП «Термотранс» (21%), ПГУП «Холтранс» (17,3%), ПГУП «ГлубокоеТранс» (12,3%), ПГУП «Долитов» (12,1%), ПГУП «Меруна» (8,7%).

Глыбоцкі раён прадстаўляюць асноўныя прадпрыемствы- экспарцёры:

ААТ « Глыбоцкі малочнакансервавы камбінат» - http://www.glmkk.by/
ААТ « Глыбоцкі мясакамбінат» - http://www.glubmk.by/
ААТ «КУПЦОВЪ» - http://www.konservy.by
ААТ « Глыбоцкі камбікормавы завод» - http://www.glubkz.by/
ААТ « Глыбоцкая птушкафабрыка»