Кіраўніцтва раёна павіншавала работнікаў і ветэранаў нафтавай, газавай і паліўнай прамысловасці са святам

Паважаныя работнікі і ветэраны нафтавай, газавай і паліўнай прамысловасці!

Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні з прафесійным святам!

У газава-паліўнай галіне Глыбоччыны працуюць высакакласныя спецыялісты. Ваша прафесійная праца, назапашаны дзесяцігоддзямі вопыт, укараненне самых сучасных тэхналогій дазваляюць паспяхова вырашаць самыя складаныя задачы па забеспячэнні спажыўцоў паліўна-энергетычнымі рэсурсамі.

Словы асаблівай удзячнасці і падзякі выказваем ветэранам галіны, якія стварылі аснову сучасных дасягненняў.

Няхай добрыя традыцыі адказнага і добрасумленнага выканання пастаўленых задач, высокая кваліфікацыя персаналу ў спалучэнні з выкарыстаннем перадавых тэхналогій дазваляюць вам і ў далейшым прафесійна падыходзіць да рашэння самых складаных пытанняў і дамагацца найлепшых вынікаў.

Поспехаў, упэўненасці ў заўтрашнім дні, цяпла і шчасця вам і вашым блізкім! Моцнага здароўя, шчасця і дабрабыту!

Пётр Бялусь, старшыня Глыбоцкага раённага выканаўчага камітэта

Вера Цяліца, старшыня Глыбоцкага раённага Савета дэпутатаў