Кіраўніцтва раёна павіншавала работнікаў і ветэранаў сацыяльнай абароны Глыбоцкага раёна са святам

Паважаныя работнікі і ветэраны сацыяльнай абароны Глыбоцкага раёна!

Ад імя Глыбоцкага раённага выканаўчага камітэта, раённага Савета дэпутатаў прыміце самыя шчырыя віншаванні з прафесійным святам – Днём работнікаў сацыяльнай абароны.

Сацыяльнае абслугоўванне і занятасць насельніцтва, дзяржаўная падтрымка сем’яў з дзецьмі, пенсійнае забеспячэнне, папулярызацыя сямейных каштоўнасцей – гэта далёка не поўны пералік задач, якія выконваюцца службай сацыяльнай абароны.

Прафесія сацыяльнага работніка адна з самых гуманных і запатрабаваных у грамадстве, якая патрабуе не толькі прафесійных ведаў і высокай кваліфікацыі, але і асаблівага душэўнага склада. Дзякуючы вашай чуласці і спагадзе, людзі, якія апынуліся ў няпростай жыццёвай сітуацыі, пераадольваюць цяжкасці і знаходзяць веру ва ўласныя сілы.

Дарагія работнікі сферы сацыяльнай абароны! Прыміце словы шчырай падзякі за штодзённую нялёгкую працу на карысць жыхароў Глыбоцкага раёна. Жадаем вам шчасця, здароўя, дабрабыту і аптымізму.

 

Пётр Бялусь, старшыня Глыбоцкага раённага выканаўчага камітэта.

Вера Цяліца, старшыня Глыбоцкага раённага Савета дэпутатаў.