Кіраўніцтва раёна павіншавала супрацоўнікаў і ветэранаў Глыбоцкага раённага аддзела следчага камітэта Рэспублікі Беларусь са святам

Паважаныя супрацоўнікі і ветэраны Глыбоцкага раённага аддзела следчага камітэта Рэспублікі Беларусь!

Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні з прафесійным святам!

У органах следства Глыбоцкага раёна служаць высокапрафесійныя, дасведчаныя і сумленныя супрацоўнікі. Штодня вы прыкладаеце сілы, веды і майстэрства для раскрыцця самых складаных і заблытаных злачынстваў. Забяспечваеце рэалізацыю прынцыпу непазбежнасці адказнасці за парушэнні закону. Даказваеце сваю надзейнасць і эфектыўнасць, застаючыся гарантам справядлівасці, правапарадку і стабільнасці ў грамадстве.

Выказваем удзячнасць ветэранам органаў следства, чый жыццёвы шлях, вопыт і патрыятызм з'яўляецца прыкладам для маладых супрацоўнікаў.

Жадаем супрацоўнікам і ветэранам Глыбоцкага раённага аддзела следчага камітэта моцнага здароўя, міру, дабрабыту, а таксама далейшых поспехаў у службе на карысць роднай Беларусі.

Пётр Бялусь, старшыня Глыбоцкага раённага выканаўчага камітэта

Вера Цяліца, старшыня Глыбоцкага раённага Савета дэпутатаў