Кіраўніцтва раёна павіншавала юрыстаў, ветэранаў юрыдычнай службы са святам

Паважаныя юрысты, ветэраны юрыдычнай службы Глыбоцкага раёна!

Віншуем вас з прафесійным святам – Днём юрыста!

Сёння няма ніводнай сферы дзейнасці, якую б магчыма было эфектыўна ажыццяўляць без прававой падтрымкі.

Юрыдычная прафесія патрабуе ад вас аб’ектыўнасці, валодання пачуццём спагады, асабістай бездакорнасці. Юрыст павінен валодаць не толькі добрымі ведамі, але і абвостраным пачуццём сацыяльнай справядлівасці. Менавіта таму заканадаўства павінна быць голасам розуму, а юрыст – голасам закона ў вырашэнні складаных і актуальных задач у самых розных сферах дзейнасці.

Ваша штодзённая работа па выкананні законаў, правоў, свабод грамадзян, законных інтарэсаў суб’ектаў гаспадарання дазваляе дынамічна развівацца эканоміцы і ў цэлым павышаць дабрабыт жыхароў нашага раёна.

Прыміце самыя цёплыя і шчырыя пажаданні моцнага здароўя, невычэрпнай энергіі, мэтанакіраванасці, новых прафесійных поспехаў у высакароднай справе служэння Закону!

 

Пётр Бялусь, старшыня Глыбоцкага раённага выканаўчага камітэта.

Вера Цяліца, старшыня Глыбоцкага раённага Савета дэпутатаў.