Паважаныя супрацоўнікі і ветэраны дзяржаўнага прадпрыемства «Глыбоцкая ПМК меліяводгас»!

Прыміце шчырыя віншаванні з вашым прафесійным святам – з Днём меліяратара!

Праца меліяратара ганаровая і паважаная. Зямля – галоўнае багацце чалавецтва. Са старажытных часоў неад'емнай часткай аграпрамысловай вытворчасці з'яўляюцца меліярацыйныя работы, якія закліканы павышаць урадлівасць сельскагаспадарчых угоддзяў.

Бязмежная адданасць прафесіі, найвышэйшая адказнасць у спалучэнні са шчырай любоўю да малой і вялікай Радзімы – гэтыя выдатныя якасці ў поўнай меры ўласцівыя меліяратарам Глыбоцкага раёна, якія працягваюць добрыя традыцыі, закладзеныя ветэранамі галіны.

У гэты святочны дзень шчыра жадаем усім, хто працаваў і працягвае працаваць у сістэме меліярацыі, каб ваша работа заўсёды ўзнагароджвалася добрым ураджаем, працоўнымі поспехамі і матэрыяльным дастаткам. Моцнага здароўя, упартасці ў дасягненні мэт, дабрабыту і ўдачы вам і вашым блізкім!

З павагай,

Глыбоцкі раённы выканаўчы камітэт

Глыбоцкі раённы Савет дэпутатаў