Кіраўніцтва Глыбоцкага раёна віншуе хрысціянаў, якія святкуюць Вялікдзень 4 красавіка
Дарагія землякі, глыбачане, усе, хто святкуе Вялікдзень 4 красавіка!
Ад імя Глыбоцкага раённага выканаўчага камітэта, раённага Савета дэпутатаў прыміце сардэчныя віншаванні са святам Уваскрасення Хрыста.
У гэтыя цудоўныя дні мы звяртаемся да каштоўнасцяў, якія ляжаць у аснове хрысціянства, праслаўляем высакародныя ідэалы гуманізму, імкненне да міру і справядлівасці.
Чыстая, узнёслая радасць гэтых святочных дзён прыносіць мір і згоду ў душы вернікаў, напаўняе кожнае імгненне шчасцем і верай у вечную перамогу жыцця. Велікодная ўрачыстасць нараджае ў кожным з нас пачуццё пяшчоты да сваіх блізкіх. Сімвалы гэтага свята ствараюць узнёслы настрой і ўтульнасць ў нашых дамах, сем’ях.
Няхай светлае свята Уваскрасення Хрыста прыўнясе ў ваша жыццё цяпло і радасць вясенняга адраджэння. Хай узнёслы велікодны настрой надае сілы працаваць на карысць роднай Беларусі і дапаможа ва ўсіх справах.
Жадаем усім моцнага здароўя, шчасця, спакою, міру і дабрабыту.
Старшыня Глыбоцкага
раённага выканаўчага камітэта А.М.Шубскі
Старшыня Глыбоцкага
раённага Савета дэпутатаў В.М.Цяліца
