Кіраўніцтва раёна павіншавала супрацоўнікаў і ветэранаў Глыбоцкага раённага аддзела па надзвычайных сітуацыях і Глыбоцкага раённага таварыства ратавання на водах з прафесійным святам
Паважаныя супрацоўнікі і ветэраны Глыбоцкага раённага аддзела па надзвычайных сітуацыях і Глыбоцкага раённага таварыства ратавання на водах!
Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні з прафесійным святам – Днём ратавальніка.
Тое, што для большасці людзей – гераізм, для вас – штодзённая праца. Толькі мужнасць і адвага здольныя прымусіць рызыкаваць сваім жыццём дзеля выратавання іншага чалавека, прыродных рэсурсаў, маёмасці. Вы заўсёды гатовы прыйсці на дапамогу таму, хто трапіў ў бяду.
На ратавальніках ляжыць велізарная адказнасць за чалавечыя жыцці, і вы годна несяце гэты груз. Дзякуй вам за добрасумленнае стаўленне да сваёй працы, за гатоўнасць трываць дыскамфорт дзеля дапамогі людзям. Дзякуй за стойкасць, смеласць, прафесіяналізм і чулыя сэрцы.
Няхай ваша мужнае служэнне людзям будзе ўзнагароджана ўдзячнасцю выратаваных і іх родных! Жадаем вам спакойных працоўных будняў, невычэрпнага аптымізму, здароўя, бадзёрасці і волатаўскай сілы. Хай вам заўсёды спадарожнічае поспех у працы, а дома акружае мір і дабрабыт, падтрымлівае любоў і клопат родных і блізкіх!
З павагай,
Старшыня Глыбоцкага
раённага выканаўчага камітэта А. М. ШУБСКІ,
Старшыня Глыбоцкага
раённага Савета дэпутатаў В. М. ЦЯЛІЦА.