Кіраўніцтва раёна павіншавала жыхароў Глыбоччыны з Днём Дзяржаўнага герба Рэспублікі Беларусь і Дзяржаўнага сцяга Рэспублікі Беларусь!
Паважаныя глыбачане!
Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні са святам – Днём Дзяржаўнага герба Рэспублікі Беларусь і Дзяржаўнага сцяга Рэспублікі Беларусь!
Беларускі народ прайшоў складаны шлях да незалежнасці, неад'емнай часткай якой з'яўляюцца герб і сцяг. Шанаваць і паважаць галоўныя сімвалы сваёй краіны – абавязак і справа гонару кожнага беларуса.
Гэтыя нацыянальныя каштоўнасці адлюстроўваюць веліч і прыгажосць роднай зямлі, пераемнасць гістарычных традыцый і непарыўную сувязь мінулага, сучаснага і будучага Беларусі.
Нашы дзяржаўныя сімвалы аб'ядноўваюць нас у адну вялікую сям'ю і напаўняюць сэрцы гонарам за прыналежнасць да народа з багатай гісторыяй і слаўнымі традыцыямі.
У гэты святочны вясновы дзень жадаем вам моцнага здароўя, радасці, шчасця, дабрабыту і поспехаў у працы на карысць краіны і Глыбоцкага раёна!
З павагай,
Старшыня Глыбоцкага
раённага выканаўчага камітэта А.М.Шубскі
Старшыня Глыбоцкага
раённага Савета дэпутатаў В.М.Цяліца