Кіраўніцтва раёна павіншавала жыхароў Глыбоччыны з Днём заснавання піянерскай арганізацыі
Паважаныя жыхары Глыбоччыны!
Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні з Днём заснавання піянерскай арганізацыі!
19 мая 2022 года спаўняецца роўна сто гадоў з дня заснавання піянерскай арганізацыі, лепшыя традыцыі якой ў нашай краіне працягвае грамадскае аб'яднанне «Беларуская рэспубліканская піянерская арганізацыя». Сёння яна з'яўляецца самай масавай дзіцячай арганізацыяй у Рэспубліцы Беларусь, асноўная мэта якой – фарміраванне сапраўдных Грамадзян, якія сваімі справамі і ўчынкамі прыносяць карысць сабе, сваёй сям’і, Радзіме.
Прайшло ўжо сто гадоў, а дух Піянерыі не згас, і з кожным годам набывае ўсё большую падтрымку з боку дзяцей, іх бацькоў і вучыць юных піянераў быць дружнымі і згуртаванымі, вучыць працаваць і адпачываць, вучыць сябраваць і дапамагаць адзін аднаму.
Піянеры захоплена бяруцца за грамадска карысныя справы і,самае галоўнае, – яны робяць усё гэта з запалам, уласцівым юнацтву. А ваш дэвіз “Піянер! Да спраў на карысць Радзімы, дабра і справядлівасці будзь гатовы!” і адказ “Заўжды гатовы!” сталі для нас жыццёвым крэда.
Дарагія піянеры! Жадаем вам мірнага неба над галавой, спаўнення заветных жаданняў, добрага настрою, моцнага здароў’я, дабрабыту, поспехаў у вучобе і новых ідэй на карысць нашай краіне.
З павагай,
Старшыня Глыбоцкага
раённага выканаўчага камітэта А.М.Шубскі
Старшыня Глыбоцкага
раённага Савета дэпутатаў В.М.Цяліца