Кіраўніцтва раёна віншуе педагогаў з прафесійным святам
Паважаныя педагогі і ветэраны педагагічнай працы!
Прыміце шчырыя віншаванні з прафесійным святам!
Дзень настаўніка – добрая нагода падзякаваць тым, каму мы абавязаны ўзыходжаннем да вяршыняў ведаў.
Настаўнік ва ўсе часы з'яўляецца залогам паспяховага развіцця дзяржавы. На вас ляжыць ганаровая і адказная місія, якая заключаецца не толькі ў тым, каб даць маладому пакаленню трывалыя веды, але і выхаваць іх у духу грамадзянскасці і патрыятызму, навучыць любіць і шанаваць сваю гісторыю, традыцыі беларускага народа.
Са школьных сцен у жыццё выходзіць шмат адукаваных, крэатыўна думаючых, сацыяльна актыўных людзей, так неабходных краіне для паспяховага развіцця. Гэта магчыма дзякуючы таму, што ў раёне працуюць выдатныя настаўнікі, якія ў сваёй працы ўмела спалучаюць традыцыі беларускай адукацыі і імкненне ісці ў нагу з часам, якія ўкараняюць у працэс навучання інавацыйныя распрацоўкі і творчы падыход.
Нізкі вам паклон, дарагія настаўнікі, за вашу нялёгкую працу! Велізарная падзяка вам за цяпло, дабрыню і цярпенне, за вашыя мудрасць і веды, за высокі прафесіяналізм і адданасць.
Асаблівыя словы ўдзячнасці ветэранам педагагічнай працы, якія ўнеслі значны ўклад у развіццё сістэмы адукацыі ў нашым раёне і выхаванне падрастаючага пакалення.
Са святам, дарагія сябры! Ад усёй душы жадаем вам моцнага здароўя, шчасця, сямейнага дабрабыту, аптымізму і новых творчых поспехаў.
З павагай,
Глыбоцкі раённы выканаўчы камітэт
Глыбоцкі раённы Савет дэпутатаў
