Кіраўніцтва раёна віншуе работнікаў і ветэранаў лесагаспадарчай галіны раёна з прафесійным святам
Паважаныя работнікі і ветэраны лесагаспадарчай галіны!
Ад імя Глыбоцкага раённага выканаўчага камітэта, раённага Савета дэпутатаў прыміце шчырыя віншаванні з прафесійным святам – Днём работнікаў лесу!
У гэты дзень мы ўшаноўваем тых, хто прымае ўдзел у рацыянальным выкарыстанні лясных рэсурсаў, а затым спрыяе іх аднаўленню і памнажэнню. Вы – захавальнікі самага каштоўнага здабытку – нашай цудоўнай прыроды, “зялёных лёгкіх” планеты!
Менавіта лес дае людзям сілы і адчуванне гармоніі. А наша Глыбоцкая зямля заўсёды славілася сваёй прыгажосцю. Зберагчы жывапісную прыроду раёна, захаваць яе для нашчадкаў – наша агульная задача. Гэта цяжкая, але высакародная праца, і мы дзякуем вам за прафесіяналізм, за вашу самаадданую, добрасумленную працу, за вернасць аднойчы выбранай прафесіі.
Ад усёй душы выказваем удзячнасць ветэранам лясной гаспадаркі нашага раёна за значны ўклад у развіцце галіны і імкненне перадаць свой вопыт моладзі!
Паважаныя работнікі лесу! Жадаем, каб ваша высакародная праца заўсёды прыносіла вам задавальненне! Хай сям'я і сябры заўсёды будуць вам надзейнай апорай у жыцці! Моцнага здароўя, дабрабыту і новых працоўных поспехаў на карысць Глыбоччыны!
З павагай,
Старшыня Глыбоцкага
раённага
выканаўчага камітэта А.М.Шубскі
Старшыня Глыбоцкага
раённага Савета
дэпутатаў В.М.Цяліца
