Кіраўніцтва раёна віншуе работнікаў і ветэранаў установы “Занальны дзяржаўны архіў у г. Глыбокае” з прафесійным святам
Паважаныя работнікі і ветэраны ўстановы “Занальны дзяржаўны архіў у г. Глыбокае”!
Прыміце шчырыя віншаванні з прафесійным святам – Днём архівіста!
Архіўныя фонды – гэта неацэнны дакументальны летапіс гісторыі беларускага народа, культурны здабытак і нацыянальная памяць, якая сыходзіць у глыбіню стагоддзяў.
У архіве працуюць сапраўдныя прафесіяналы, кампетэнтныя, добрасумленныя і адданыя сваёй справе спецыялісты. Дзякуючы вашай плённай працы ажыццяўляюцца збор, захоўванне і выкарыстанне архіўных дакументаў, вядзецца значная доследная праца.
Выказваем шчырую падзяку ўсім работнікам архіва за значны ўклад у захаванне гістарычнай памяці нашага раёна, патрыятычнае і маральнае выхаванне падрастаючага пакалення праз далучэнне да гісторыі нашага краю і краіны.
Ад усёй душы жадаем вам моцнага здароўя, шчасця, поспехаў у вашай прафесійнай дзейнасці.
З павагай
Глыбоцкі раённы выканаўчы камітэт
Глыбоцкі раённы Савет дэпутатаў
