Кіраўніцтва раёна павіншавала ветэранаў і работнікаў юрыдычнай сферы дзейнасці з прафесійным святам
Паважаныя работнікі і ветэраны юрыдычнай сферы дзейнасці Глыбоцкага раёна!
Ад усёй душы віншуем вас з прафесійным святам! Юрыст – адна з самых паважаных, ганаровых і прэстыжных у нашым грамадстве прафесій, якая мае важнае значэнне для далейшага дынамічнага развіцця сучаснага грамадства.
Ваша прафесійная дзейнасць накіраваная на ўмацаванне асноў прававой дзяржавы, стварэнне стабільнага механізму рэалізацыі нормаў права, забеспячэнне законнасці і сацыяльнай справядлівасці.
Прыміце словы глыбокай падзякі за адданасць абранай справе, за разуменне важнасці задач, якія стаяць перад вамі. Няхай ваша адказнасць, прынцыповасць, патрабавальнасць да сябе нясе карысць грамадству і дзяржаве!
Жадаем вам моцнага здароўя, шчасця, дабрабыту, новых дасягненняў у прафесійнай і грамадскай дзейнасці.
З павагай,
Старшыня Глыбоцкага раённага выканаўчага камітэта
Старшыня Глыбоцкага раённага Савета дэпутатаў