Адрас райвыканкама:
211800, Віцебская воб., г. Глыбокае, вул. Леніна, 42
Тэлефон прыёмнай:
8 (02156) 2 58 65
Факс: 8 (02156) 2 58 30
Сёння ў Віцебску пройдуць абласныя спаборніцтвы па пажарна-выратавальным спорце ў закрытых памяшканнях сярод юнакоў і дзяўчат, паведамілі БЕЛТА у абласным упраўленні МНС.
Спаборніцтвы правядуць у двух дысцыплінах: пераадоленне стометровай паласы з перашкодамі і пад'ём па штурмавой лесвіцы. У іх возьмуць удзел каманды з Віцебска, Оршы, Наваполацка, Полацка, а таксама госці турніру - зборная Гомельскай вобласці.
У складзе Віцебскай каманды чэмпіён і рэкардсмен свету сярод юнакоў малодшай узроставай групы 2018 года Аркадзь Кукшын, бронзавы прызёр чэмпіянату свету сярод дзяўчат мінулага года Ксенія Чурсіна. Сярод прадстаўнікоў Гомельскай дружыны два чэмпіёны свету Максім Шавялёў і Паліна Кушнірэнка, прызёр чэмпіянату свету Анастасія Ахотнікава.
"Склад каманд абяцае спаборніцтвы высокага ўзроўню, бескампрамісную барацьбу за кожную сотую секунды і відовішчныя забегі", - адзначылі ва ўпраўленні МНС.