Віцебская вобласць намалаціла 1 млн т збожжа

Аграрыі Віцебскай вобласці намалацілі 1 млн т збожжа. Пра гэта паведаміў журналістам намеснік старшыні Віцебскага аблвыканкама Барыс Яфрэмаў, перадае карэспандэнт БЕЛТА.

Паводле слоў намесніка старшыні, на цяперашнюю ўборачную кампанію ў паўночным рэгіёне паўплывалі тры асноўныя фактары. "Па-першае, уборцы падлягала на 50 тыс. га больш, чым у 2019 годзе (без малога 390 тыс.га). Па-другое, на тыдзень-паўтары далей зрушыліся часовыя рамкі жнива. І трэцяе, сітуацыя складвалася так, што на адзін збожжаўборачны камбайн у нас прыходзілася вялікая нагрузка. Па асобным гаспадаркам і раёнам яна дасягала 300-350 га, - канстатаваў Барыс Яфрэмаў. - Вядома, мы спадзяваліся, што надвор'е дасць нам чатыры паўнавартасныя тыдні, каб па максімуме прыбраць асноўныя плошчы. На жаль, не здарылася. Тры тыдні ішлі пастаянныя дажджы, і той мільён тон, які планавалася прыбраць яшчэ ў жніўні, мы змаглі намалаціць толькі цяпер".

Барыс Яфрэмаў падзякаваў за дапамогу ў забеспячэнні працаўнікоў вёскі тэхнікай "Гомсельмаш", які змог аператыўна паставіць у вобласць 100 новых камбайнаў. "Яны ўнеслі важную лепту ва ўборачную кампанію рэгіёну на завяршальным этапе і цяпер працуюць у палях як на ўборцы збожжавых культур, так і на ўборцы рапсу", - адзначыў намеснік старшыні.

Паводле апошніх звестак, у Віцебскай вобласці ўбрана 319,7 тыс. га, або 91% плошчаў. Сярэдняя ўраджайнасць складае 31,4 ц/га. Cамыя высокія намалоты адзначаюцца ў Аршанскім і Віцебскім раёнах, аграрыі якіх сабралі сёлета па 100 тыс. т збожжа. Першымі цалкам прыбралі свае плошчы збожжавых працаўнікі вёскі Пастаўскага і Верхнядзвінскага раёнаў. Як чакаецца, каравай вобласці з улікам усіх катэгорый сельгасвытворцаў і асабістых падсобных гаспадарак павінен скласці парадку 1,2 млн т збожжа.