Кіраўніцтва раёна павіншавала работнікаў сферы адукацыі, ветэранаў педагагічнай працы Глыбоччыны са святам

Паважаныя работнікі сферы адукацыі, ветэраны педагагічнай працы Глыбоччыны!

Сардэчна віншуем вас з прафесійным святам – Днём настаўніка!

У кожнага з нас у жыцці ёсць настаўнік з вялікай літары – той, хто мудрасцю, шчодрасцю духу, глыбокімі ведамі дапамог нам спазнаць наш унутраны свет, зрабіў яго багацейшым, навучыў будаваць будучыню. Менавіта ад выкладчыка, яго прафесійных і чалавечых якасцяў шмат у чым залежыць лёс вучняў, будучыня краіны.

Адданасць прафесіі, добрасумленнае стаўленне да працы – тыя якасці, якія дазваляюць вам, паважаныя педагогі, выхоўваць неабыякавых, разумных, адказных людзей і забяспечваць высокую якасць адукацыі.

Паважаныя ветэраны педагагічнай працы! Усё, што зроблена і робіцца вамі, заслугоўвае вялікай удзячнасці і павагі. Сёння вы з’яўляецеся для сваіх выхаванцаў і маладых настаўнікаў узорам глыбокай вернасці прафесіі педагога.

Няхай гэты святочны дзень прынясе вам масу станоўчых эмоцый і ўсведамленне велізарнай патрэбнасці і важнасці вашага жыццёвага выбару. Моцнага вам здароўя, аптымізму, поспехаў і дабрабыту!

Максім Бакураў, старшыня Глыбоцкага раённага выканаўчага камітэта.

Вера Цяліца, старшыня Глыбоцкага раённага Савета дэпутатаў.