22 сакавіка ў Глыбокім ушанавалі памяць ахвяр трагедыі ў Хатыні.

На тэрыторыі сучаснага Глыбоцкага раёна было знішчана больш за сарака населеных пунктаў, і кожны з іх – гэта гісторыя, поўная болю і страт.

Ва ўрочышчы Лаўрынаўка, дзе ўсталяваны помнік спаленым вёскам, сабраліся прадстаўнікі ўлады, палітычных партый і грамадскіх арганізацый, проста неабыякавыя грамадзяне.

Аляксандр Шубскі, старшыня Глыбоцкага райвыканкама, падкрэсліў: «Важна памятаць пра тыя жахі, якія перажылі нашы продкі. Гэта не толькі даніна павагі, але і ўрок для будучых пакаленняў».

Удзельнікі мерапрыемства ўсклалі кветкі да помніка, сімвалізуючы падзяку і смутак. Памяць пра тых, хто аддаў свае жыцці за мірнае неба, павінна жыць у нашых сэрцах.