29 снежня 2023 года праводзіцца Адзіны дзень бяспекі дарожнага руху

23 снежня 2023

Пад такой назвай АДАІ МАБ Глыбоцкага РАУС 29 снежня 2023 года правядзе Адзіны дзень бяспекі дарожнага руху, накіраваны на прафілактыку дарожна-транспартных здарэнняў, здзейсненых у стане ап'янення.

«У новы год і ў добры шлях – за рулём, ты, цвярозым будзь!»

На жаль, пакуль не атрымліваецца выкараніць п'янства за рулём. Нягледзячы на прапаганду бяспечных паводзін удзельнікаў дарожнага руху, якую праводзяць работнікі Дзяржаўтаінспекцыі, знаходзіцца яшчэ нямала грамадзян, якія не супраць у п'яным выглядзе пракаціцца на аўтамабілі ці матацыкле пад мухай.

За студзень–лістапад бягучага года супрацоўнікамі аддзела ДАІ Глыбоцкага РАУС затрыманы 54 кіроўцы ў стане алкагольнага ап'янення.

Гледзячы на гэтыя лічбы, становіцца не па сабе. Бо гэтыя людзі маглі прынесці вялікае гора ў чыесьці сем'і. Хтосьці наўмысна, хтосьці ад таго, што прытупілася свядомасць ад выпітага спіртнога. Яны селі за руль сваіх транспартных сродкаў і кіравалі імі па тых жа дарогах і вуліцах, па якіх перамяшчаемся і мы з вамі, нашы дзеці, бацькі, сваякі. Не ўкладваецца ў галаве той факт, што некаторых грамадзян, якія селі за руль нецвярозымі, не палохаюць ні вялікія штрафы, ні верагоднасць пазбавіцца права кіравання транспартным сродкам на тэрмін ад 3 да 5 гадоў. Можна страціць працу і свабоду, а больш за тое – жыццё.

Хацелася б яшчэ раз нагадаць аб адказнасці за кіраванне транспартнымі сродкамі «пад мухай»: кіраванне транспартным пры наяўнасці абсалютнага спірту ў крыві ці ў выдыханым паветры ў канцэнтрацыі да 0,8 праміле – цягне накладанне штрафу ў памеры ста базавых велічынь з пазбаўленнем права займацца пэўнай дзейнасцю на тэрмін тры гады, звыш 0,8 праміле – цягне накладанне штрафу ў памеры двухсот базавых

велічынь з пазбаўленнем права займацца пэўнай дзейнасцю тэрмінам на пяць гадоў. Паўторнае кіраванне транспартам у стане алкагольнага ап'янення таксама прадугледжвае павелічэнне тэрміну пазбаўлення вадзіцельскіх правоў да 5 гадоў, альбо штраф да 1000 базавых велічынь, або выпраўленчыя работы на тэрмін да 2-х гадоў, або арышт на тэрмін да 6 месяцаў. І гэта ў тым выпадку, калі п'янства за рулём не пацягне за сабой чыю-небудзь смерць або цяжкія траўмы.

ОГАІ МОБ Глыбоцкага РАУС заклікае ўдзельнікаў дарожнага руху да выканання Правілаў дарожнага руху. Ратуе за тое, каб сумеснымі намаганнямі навесці парадак на дарогах горада і выкараніць п'янства за рулём.

Калі вам стала вядома, што транспартным сродкам кіруе кіроўца ў стане алкагольнага ап'янення, патэлефануйце па нумарах 102 або 8(02156) 2-27-02

Е.А. Сівицкий, старшы інспектар ДПС ОГАІ МОБ Глыбоцкага РАУС