Акцыя «Бяспечныя канікулы» працягвае сваё шэсце па раёне

У рамках летніх лагераў супрацоўнікі экстранных службаў правялі серыю тэматычных інтэрактыўных заняткаў. Гэтыя мерапрыемствы былі накіраваны на навучанне дзяцей асновам бяспекі, спалучаючы гульнявы фармат з атрыманнем каштоўных ведаў. У ходзе заняткаў удзельнікі разглядалі магчымыя рызыкі, характэрныя для летняга перыяду, разбіралі прычыны ўзнікнення пажараў, запаміналі кантактныя дадзеныя экстранных службаў і адпрацоўвалі алгарытмы дзеянняў пры пажары, уключаючы правільны выклік ратавальнікаў.
Вядома, не забылі пагаварыць і пра тое, як паводзіць сябе ля вады. Ратавальнікі патлумачылі дзецям, дзе можна бяспечна купацца, і нагадалі, што на вадзе трэба быць вельмі ўважлівымі. Яны таксама расказалі, што рабіць, калі раптам адчуеш, што тонеш, або калі нагу звядзе сутаргай.
У рамках сустрэч дзеці атрымалі не толькі тэарэтычныя веды, але і ўзбагацілі свае веды ў інтэрактыўнай зоне бяспекі. Там яны змаглі адчуць атмасферу ратавальных аперацый. Функцыянавала тэматычная пляцоўка «Ратаванне на вадзе», дзе ім была прадстаўлена інфармацыя аб рабоце ратавальнікаў на вадаёмах. Кожны жадаючы змог прымерыць на сябе ролю ратавальніка і папрактыкавацца з «канцом Аляксандрава».
Таксама адпачывальнікі лагера ўнісон зліліся ў «хітах бяспекі».
У фінале сустрэчы ратавальнікі раздалі ўсім удзельнікам акцыі памятныя буклеты аб бяспецы і пажадалі ўсім бяспечных і бесклапотных канікул.