Акцыя «Зробім лункі»

28 лютага 2025

Акцыя «Зробім лункі – выратуем рыбу ад замору!!!»

Глыбокская раённая інспекцыя прыродных рэсурсаў і аховы навакольнага асяроддзя паведамляе, што з мэтай прадухілення гібелі рыбы ў зімовы перыяд Міністэрства прыродных рэсурсаў і аховы навакольнага асяроддзя штогод ініцыюе правядзенне экалагічнай акцыі «Зробім лункі – выратуем рыбу ад замору!».

Мэта акцыі – прыцягненне ўвагі рыбаловаў-аматараў, кіраўнікоў арганізацый і проста неабыякавых грамадзян да праблемы заморных з’яў і гібелі рыбы.

Значная колькасць выпаўшага снегу, марознае надвор’е спрыяюць таму, што на паверхні вадаёмаў утвараецца лядовы панцыр, які блакуе доступ атмасфернага паветра і кіслароду, і можа суправаджацца масавай гібеллю рыбы і яе малявак у многіх вадаёмах, што замярзаюць.

Да найбольш эфектыўных мер па папярэджанні зімовых замораў рыбы адносяцца наступныя мерапрыемствы:

- унясенне вапны ў вадаёмы;

Вапнаванне спрыяе раскладанню і паскарэнню мінералізацыі арганічнага рэчыва, а таксама паляпшэнню газавага рэжыму, нейтралізуе кіслую рэакцыю вады. Негашаную вапну ўносяць у вадаём з разліку 1 – 2 ц/га. Пры выкарыстанні гашанай вапны або молатага вапняку нормы ўнясення павялічваюцца, адпаведна, у 1,3 і 1,8 раза.

- выраб прарубаў на вадаёмах;

Колькасць прарубаў залежыць ад плошчы вадаёма і ў сярэднім складае 3 – 5 шт./га. Прарубы варта размяшчаць у цэнтры вадаёма і па яго перыметры, дзе глыбіня непрамярзальнага слоя складае 50 – 60 см. Для прадухілення замярзання прарубаў неабходна ў іх усталяваць снапы, вырабленыя з трыснягу, рагозу і іншых поласных «дыхаючых» раслін або падвешваць мяшкі з соллю ў такіх прарубах з разліку 5 кг/мяшок. У якасці солі можа быць рэкамендавана тэхнічная соль, якая выкарыстоўваецца для ачысткі катлоў у кацельнях.

- аэрацыя вадаёмаў.

Аэрацыяй называецца працэс, пры якім паветра цесна кантактуе з вадой шляхам распылення вады ў паветры або прапускання бурбалак паветра праз ваду. Акрамя таго, ужываецца спосаб аэрацыі, які выкарыстоўвае гідрамеханічнае перамешванне воднай тоўшчы.

Калі Вы выявілі заморнае з'ява, неабходна інфармаваць:

у арандаваных або перададзеных у бязвыплатнае карыстанне рыбалоўных угоддзях – арандатараў і карыстальнікаў, а таксама Дзяржаўную інспекцыю аховы жывёльнага і расліннага свету пры Прэзідэнце Рэспублікі Беларусь;

у рыбалоўных угоддзях фонду запасу – мясцовыя выканаўчыя і распарадчыя органы, Дзяржаўную інспекцыю аховы жывёльнага і расліннага свету пры Прэзідэнце Рэспублікі Беларусь, Міністэрства прыродных рэсурсаў і аховы навакольнага асяроддзя і яго тэрытарыяльныя органы.

У рамках акцыі, Глыбокскай інспекцыяй сумесна з Глыбокскай РАС "АСВОД" у акваторыі возера Мушкат праведзена бурэнне лунак і ўладкаванне прарубы з мэтай насычэння кіслародам вады.

Галоўны спецыяліст А.В. Гапанёнак