Аўтаномны пажарны апавяшчальнік

25 студзеня 2021

Прэнебрежнае меркаванне аб аўтаномным пажарным апавяшчальніку часам яшчэ можна пачуць ад нашых грамадзян. Хоць статыстыка фіксуе ўсё больш выпадкаў, калі аўтаномны пажарны апавяшчальнік своечасова папярэджвае аб небяспецы і тым самым ратуе ад бяды. З мэтай папярэджання пажараў і гібелі людзей ад іх работнікі МНС праводзяць рэспубліканскую акцыю «Бяспека – у кожны дом!», у сувязі з гэтым Глыбокскія ратавальнікі чарговы раз нагадваюць аб карысці аўтаномных пажарных апавяшчальнікаў.

Размова аб дзейснасці аўтаномных пажарных апавяшчальнікаў (АПА) пачынаем з невялікага эксперыменту. Да круглага прыбора падводзім падпаленую паперу. Слупок дыму, накіраваны якраз да паверхні АПА, прымушае яго гучна пішчаць. Папярэдзіць аб смяротнай небяспецы. Як раз у гэтым і заключаецца задача аўтаномнага пажарнага апавяшчальніка.

Статыстыка паказвае, што больш за 50% пажараў з гібеллю людзей адбываецца менавіта ў той момант, калі чалавек спіць. У сне ён не адчувае паху дыму і таму найбольш безабаронны. Своечасова выявіць узгаранне і тым самым прадухіліць пажар, гібель людзей і матэрыяльны ўрон можна, усталяваўшы ў кватэры аўтаномны пажарны апавяшчальнік.

Аўтаномны пажарны апавяшчальнік – гэта найбольш даступны сродак, здольны засцерагчы людзей і іх жыллё ад страшных наступстваў пажару. Прыбор рэагуе на ўзнікшае задымленне, падаючы магутны гукавы сігнал, пачуць які можа не толькі спячы чалавек, але і яго суседзі. У эксплуатацыі ён вельмі просты і непатрабавальны: неабходна раз у год мяняць батарэйкі і перыядычна чысціць АПА ад пылу.

Вельмі важна правільна выбраць месца ўстаноўкі апавяшчальніка. Аптымальная кропка – у цэнтральнай частцы столі з невялікім зрушэннем у бок акна або дзвярэй, дзе адбываецца рух паветраных патокаў. Спрацаваўшы, апавяшчальнік падае гучны сігнал, здольны разбудзіць моцна спячага

чалавека і нават заглушыць гук працуючай бытавой тэхнікі, (напрыклад, пыласоса або пральнай машыны). Многіх цікавіць, як спыніць гучанне, калі звестальнік спрацаваў не ад пажару. Для гэтага неабходна праветрыць памяшканне альбо на працягу некалькіх секунд прапыласосіць АПІ, не здымаючы з столі.