Добраўпарадкаванне знакавага аб'екта

10 мая 2025 года ў рамках святкавання 80-й гадавіны Перамогі савецкага народа ў Вялікай Айчыннай вайне, а таксама мерапрыемстваў Года добраўпарадкавання праведзена добраўпарадкаванне знакавага аб'екта - брацкай магілы ў в. Ліпава Глыбоцкага раёна. У мерапрыемстве прыняло ўдзел больш за 250 чалавек — гэта прадстаўнікі Глыбоцкага раённага і Псуеўскага сельскага выканаўчага камітэта, 00 "БРСМ" і "Белая Русь", Глыбоцкай раённай інспекцыі прыродных рэсурсаў і аховы навакольнага асяроддзя, Ліпаўскага лясніцтва Глыбоцкага доследнага лясгаса. Характэрна, што большасць удзельнікаў акцыі — гэта навучэнцы ўсіх 16 школ Глыбоцкага раёна.

Адбылася ўрачыстая лінейка, дзе напутлівыя словы дзецям аб выкананні грамадзянскага абавязку выказалі прадстаўнікі Цэнтра дзяцей і моладзі Глыбоцкага раёна, аддзела па ідэалогіі райвыканкама, БРСМ. У рамках мерапрыемства напутлівыя словы ўдзельнікам выказаў начальнік Глыбоцкай раённай інспекцыі прыродных рэсурсаў і аховы навакольнага асяроддзя Аляксандр Казак.

На брацкай магіле была закладзена капсула часу з пасланнем нашчадкам, адкрыць якую яны будуць павінны праз 20 гадоў, г.зн. у год 100-годдзя вайны 9 мая 2045 года. Таксама ў рамках акцыі сімвалічна было высаджана 80 саджанцаў хвоі звычайнай. Высаджаныя дрэвы сталі сімвалам мужнасці, стойкасці і адвагі Глыбоцкага народа ў барацьбе з нямецкімі захопнікамі. Завяршылася акцыя хвілінай маўчання.

Начальнік інспекцыі А.А. Казак