Будучыня навукі, айчынны боезапас і раптоўны прыезд на палігон. Вынікі тыдня Прэзідэнта
16 лютага 2026
Працоўны графік Прэзідэнта Беларусі заўсёды вельмі насычаны падзеямі. Аляксандр Лукашэнка праводзіць нарады і рабочыя сустрэчы па найбольш актуальных пытаннях развіцця краіны, рэгулярна бывае ў рэгіёнах, здзяйсняе замежныя візіты і сам прымае замежных гасцей, размаўляе з журналістамі, падпісвае ўказы і законы. І нават калі публічных мерапрыемстваў няма, гэта зусім не значыць, што кіраўнік дзяржавы не працуе. Зрэшты, і падчас адпачынку, няхай гэта будзе хакейная трэніроўка ці сячы дровы, Аляксандр Лукашэнка час ад часу знаходзіць нагоду для чарговага даручэння. Як ён любіць казаць, трэба ва ўсім ісці ад жыцця.
На мінулым працоўным тыдні адразу два мерапрыемствы кіраўніка дзяржавы былі прысвечаны пытанням умацавання абараназдольнасці. У Палацы Незалежнасці абмеркавалі вытворчасць хадавых боепрыпасаў, а затым на палігоне пад Барысавам Аляксандр Лукашэнка асабіста праверыў баявую гатоўнасць Узброеных Сіл.Яшчэ адна важная тэма тыдня — будучыня беларускай навукі. Прэзідэнту прадставілі праект указа аб удасканаленні навуковай дзейнасці. У дакуменце Аляксандра Лукашэнку задаволіла не ўсё, але ў цэлым ён падтрыманы і будзе дапрацаваны.Увечары 8 лютага адбылася тэлефонная размова Аляксандра Лукашэнкі з расійскім калегам Уладзімірам Пуціным. Галоўнай тэмай стала маючае адбыцца пасяджэнне Вышэйшага дзяржаўнага савета Саюзнай дзяржавы.На тыдні таксама стала вядома аб паступіўшым на адрас Прэзідэнта Беларусі запрашэнні амерыканскага боку прыняць удзел у першай сустрэчы лідараў у рамках Савета міру. Аднак графік Аляксандра Лукашэнкі на гэты перыяд ужо спланаваны, ды і ёсць пэўныя лагістычныя цяжкасці ў маршруце да Вашынгтона. Таму Беларусь на гэтым мерапрыемстве прадставіць міністр замежных спраў.Прэзідэнт падпісаў указ аб забеспячэнні выплаты заработнай платы і ўзнагароджанняў. Размова ў дакуменце аб дадатковых мерах па абароне работнікаў ад невыплат па дагаворах падраду.