Што некалі было схавана пад снежным покрывам

25 сакавіка 2022

Надыходзіць час прыбраць усё тое, што калісьці хавалася пад снежным покрывам. Многія людзі лічаць, што выпальванне сухой травы – самы просты і хуткі спосаб, але ў той жа час – гэта галаўны боль і вялікая бяда для ратавальнікаў.

З мэтай спыніць людскую бяспечнасць ратавальнікі штодня сустракаюцца з рознымі слаямі насельніцтва раёна.

Работнікі МНС распавядалі, як хутка распаўсюджваюцца травяныя палы, асабліва ў ветраное надвор'е. Як выпальванне сухой расліннасці становіцца прычынай узгарання жылых дамоў і гібелі людзей, і якая прадугледжана адказнасць за выпальванне сухой расліннасці на корані.

Ратавальнікі падрабязна патлумачылі, што спальваць смецце на сваіх участках дапускаецца на бяспечнай адлегласці ад будынкаў, у неветранае надвор'е, пад пастаянным кантролем і пры наяўнасці пры сабе першасных сродкаў пажаратушэння.

Ратавальнікі заклікаюць грамадзян рэгіёна не дапускаць выпальвання сухой расліннасці на корані, тым самым прадухіліць магчымасць узнікнення пажару і гібелі людзей.