Дэлегацыя Глыбоцкага раёна наведала Палац Рэспублікі ў Мінску, дзе прайшло ўрачыстае мерапрыемства, прысвечанае самаму галоўнаму святу нашай краіны – Дню Незалежнасці Рэспублікі Беларусь.

На Кастрычніцкай плошчы было ажыўлена. Эмоцыі перапаўнялі кожнага ўдзельніка мерапрыемства.

Члены дэлегацыі падзяліліся сваімі чаканнямі і эмоцыямі ад маючага адбыцца ўрачыстасці з карэспандэнтамі тэлеканала АНТ.

У фае Палаца Рэспублікі перад канцэртам майстроў мастацтваў «Голас роднай зямлі» разгарнулася тэматычная выстава.

Пасля агляду экспазіцыі ўдзельнікі канцэрта з задавальненнем рабілі памятныя фотаздымкі.

Урачысты канцэрт пачаўся з выступлення Прэзідэнта Рэспублікі Беларусь.

Аляксандр Лукашэнка: «Выбар даты для святкавання Дня Незалежнасці гістарычна абгрунтаваны і прыняты сэрцамі беларусаў».

«У самы востры момант пераможнага наступу Чырвонай арміі дзень вызвалення Мінска стаў прадвеснікам пераможнага 9 Мая, сімвалам адраджэння беларускай зямлі ды і ўсяго савецкага народа. Выбар даты нашага галоўнага дзяржаўнага свята гістарычна абгрунтаваны і прыняты сэрцам кожнага з нас, кожнага беларуса. У гэтым выбары - воля не толькі нас, сучаснікаў, якія не маглі паступіць інакш, але і нашых бацькоў і дзядоў», - падкрэсліў Аляксандр Лукашэнка.

Пасля выступлення Прэзідэнта ў Палацы Рэспублікі пачаўся канцэрт майстроў мастацтваў «Голас роднай зямлі».

– Атмасфера канцэрта была прасякнута пачуццём гордасці за сваю краіну і верай у яе светлую будучыню.

Кожнае выступленне знаходзіла гарачы водгук у зале, а працяглыя апладысменты сведчылі аб глыбокім суперажыванні гледачоў.

Канцэрт стаў сапраўдным святам патрыятызму і адзінства беларускага народа, прадэманстраваўшы, што любоў да Радзімы і вернасць традыцыям застаюцца найважнейшымі каштоўнасцямі для кожнага грамадзяніна краіны, – падзялілася сваімі ўражаннямі Таццяна Тарасевіч, намеснік старшыні Глыбоцкага райвыканкама.