Дзень бяспекі. Увага ўсім!

4 сакавіка 2021

У жыцці можна сутыкнуцца з рознымі непрадбачанымі сітуацыямі і трэба ведаць, як паводзіць сябе і што рабіць. Неабходна ведаць, якія дзеянні пры ўзнікненні надзвычайных сітуацый трэба прадпрыняць для абароны свайго жыцця і здароўя, для забеспячэння бяспекі навакольных людзей.

З мэтай папярэджання пажараў і гібелі людзей ад іх, а таксама навучання насельніцтва дзеянням па сігнале «Увага ўсім!» увесь сакавік ратавальнікі будуць праводзіць рэспубліканскую акцыю «Дзень бяспекі. Увага ўсім!», прымеркаваную да Міжнароднага дня грамадзянскай абароны.

Першы яе этап адбудзецца з 2 па 12 сакавіка ў інтэрнатах, дзіцячых і гандлёва-забаўляльных цэнтрах, кінатэатрах і на спартыўных аб'ектах. З жыхарамі інтэрнатаў работнікі прапаганды правядуць інтэрактыўныя прафілактычныя гутаркі аб бяспецы, пагавораць аб прычынах пажараў, а таксама раскажуць, што пачуўшы сігнал «Увага ўсім!» варта неадкладна ўключыць тэлевізар і слухаць паведамленне, у якім будзе перададзена інфармацыя аб характары пагрозы і канкрэтныя рэкамендацыі па абароне і дзеяннях насельніцтва.

Што тычыцца аб'ектаў з масавым знаходжаннем людзей, то тут будуць арганізаваны «Паркі бяспекі» з інтэрактыўнымі пляцоўкамі і зонамі актывацыі, а таксама праверкай ведаў парадку дзеяння па сігнале «Увага ўсім!».

Мэтавай аўдыторыяй другога этапу, які працягнецца з 15 па 31 сакавіка, стануць жыхары сельскіх населеных пунктаў. Для іх падрыхтуюць абшырныя забаўляльна-прафілактычныя праграмы. У сельскіх населеных пунктах будуць арганізаваны «Маршруты апавяшчэння»: з дапамогай сігнальнага гучнагаварыльнага прыстасавання пажарнай тэхнікі, якая праязджае па вуліцах, будзе перадавацца карысная інфармацыя на тэму пажарнай бяспекі.

Ва ўсіх агульнаадукацыйных установах раёна пройдуць тэматычныя «ўрокі бяспекі». Дзецям раскажуць,

якія існуюць надзвычайныя сітуацыі, растлумачыўшы, як сябе паводзіць у выпадку іх узнікнення. Таксама будуць праведзены лекцыі з праглядам відэафільмаў, практычнай адпрацоўкай эвакуацыі навучэнцаў пад кіраўніцтвам працуючага персаналу з будынкаў пры пагрозе або ўзнікненні надзвычайнай сітуацыі.