Дзень савета прайшоў у Галубіцкім сельсавеце

5 чэрвеня 2025

У мерапрыемстве прынялі ўдзел старшыня раённага Савета дэпутатаў Вера Целіца, намеснік старшыні райвыканкама Таццяна Канстанцінава, дырэктар УП ЖКГ Дзмітрый Лежневіч, начальнік Глыбоцкага РАНС, дэпутат раённага Савета дэпутатаў Васіль Завадскі, начальнік міжраённага вузла паштовай сувязі Андрэй Масло, старшыня Галубіцкага сельвыканкама Пётр Супраненак.

На сустрэчу прыйшлі дэпутаты Галубіцкага сельскага Савета дэпутатаў, старэйшыны вёсак, прадстаўнікі сельскага актыву.

Абмяркоўваліся надзённыя для сельскіх жыхароў пытанні гандлёвага і паштовага абслугоўвання насельніцтва, грэйдзіравання дарог, пытанні добраўпарадкавання.

Па ўсіх пытаннях дадзены каментарыі і тлумачэнні, выпрацаваны магчымыя варыянты іх вырашэння з указаннем тэрмінаў.