Адзіны дзень інфармавання

28 чэрвеня 2022

«Моладзь – сапраўднае і будучыня незалежнай Беларусі: да Дня Незалежнасці Рэспублікі Беларусь» - менавіта з такой тэмай 16 чэрвеня ў актавай зале Глыбоцкага раённага аддзела па НС адбыўся Адзіны дзень інфармавання з удзелам начальніка галоўнага ўпраўлення дзяржаўнай сістэмы папярэджання і ліквідацыі надзвычайных сітуацый і грамадзянскай абароны Ігара Васільевіча Гайшуна.

У сваім выступленні прадстаўнік МНС акцэнтаваў увагу на тым, каб маладыя людзі былі патрыётамі, паважалі сваю гісторыю, культуру і традыцыі. Падзялялі духоўныя каштоўнасці, выразна ўсведамлялі адказнасць не толькі за сябе, але і за сваіх бацькоў, бабуль і дзядуляў, за сваіх продкаў, многія з якіх аддалі свае жыцці, каб сёння мы жылі ў свабоднай і незалежнай краіне.

У завяршэнні сустрэчы Ігар Васільевіч адказаў на пытанні, якія цікавілі, пасля чаго ўсе паглядзелі інфармацыйны відэафільм.

МНС нагадвае! Пры ўзнікненні пажару або іншай надзвычайнай сітуацыі неадкладна тэлефануйце ў службу выратавання па нумарах 101 або 112.