Глыбокае. Мост пакаленняў праз дапамогу і клопат

У свеце, дзе тэхналогіі імкліва развіваюцца, а рытм жыцця паскараецца, асабліва важна захоўваць чалавечыя добрыя сувязі. Адной з найбольш значных ініцыятыў стала ўдзел моладзі ў дапамозе пажылым людзям. Гэта не проста праява міласэрнасці — гэта фарміраванне трывалага моста паміж пакаленнямі, заснаванага на павазе, клопаце і ўзаемным узбагачэнні.

Марафон «112 добрых спраў» аб'яднаў неабыякавую моладзь, якая з вялікай адказнасцю і радасцю крочыць тварыць добрыя справы. Бо дабрыня — гэта ўжо рух, да якога далучыліся актывісты Глыбоцкага раённага аддзялення БМААПСП, а таксама работнікі аддзела па надзвычайных сітуацыях.

Цёплым восеньскім днём, узброіўшыся лапатамі, добрым настроем хлопцы аказалі шэфскую дапамогу. Яны дапамаглі пажылым людзям падрыхтаваць участкі да зімы. І калі маладыя людзі дапамагаюць пажылым скапаць агарод, яны не проста рыхляць зямлю — яны сеюць насенне дабрыні, павагі і сапраўднага чалавечага цяпла.

Падчас такіх сустрэч члены Беларускай маладзёжнай грамадскай арганізацыі ратавальнікаў-пажарных у абавязковым парадку расказваюць пра важнасць выканання правілаў пажарнай бяспекі. Без увагі не застаецца і аўтаномны пажарны апавяшчальнік: хлопчыкі правяраюць яго працаздольнасць, тлумачаць правілы эксплуатацыі, нагадваюць нумары выкліку службы выратавання — «101» або «112». А кожную сваю добрую справу яны фіксуюць у «Дзённіку добрых учынкаў».

Дапамога не абмяжоўваецца фізічнай працай. Пасля працы моладзь застаецца на гарбату, размаўляе з гаспадарамі, слухае гісторыі, дзеліцца навінамі.

— «Бяспека — гэта не толькі інструкцыі, гэта клопат, увага і ўдзел. Мы з радасцю бярэм на сябе ролю абаронцаў старэйшага пакалення», — дзеляцца сваімі ўражаннямі ад удзелу ў акцыі «Моладзь за бяспеку» навучэнцы Глыбоцкага дзяржаўнага каледжа Улад Калосаў і Яўген Чарноў.