Глыбокае. Навучанне бяспецы

Лета — доўгачаканая і любімая пара года, як у дзяцей, так і ў дарослых, яна неадрыўна звязана з адпачынкамі, летнімі канікуламі, паездкамі на дачу, мора, берагі рэк і азёр.

Летнія канікулы — перыяд, на працягу якога ратавальнікі найбольш пільна працуюць з дзецьмі, каб з самага малодшага ўзросту яны ведалі, што аснова жыцця — бяспека жыццядзейнасці.

Як дзецям расказаць даступна аб асноўных правілах бяспекі? Гэтае пытанне хвалюе не толькі выхавальнікаў дзіцячых садкоў, але і кожнага бацьку, бо без гэтых базавых ведаў у жыцці дзіцяці будзе чакаць шмат непрыемнасцей. Адназначны адказ дадуць работнікі МНС, менавіта таму яны становяцца такімі жаданымі гасцямі ва ўстановах адукацыі.

На гэты раз сустрэча ратавальнікаў прайшла ў выхаванцаў дзіцячых садкоў №2 і №3 г. Глыбокае. Дзеці заўсёды з нецярпеннем чакаюць сустрэчы.

Як вядома, дзеці малодшага ўзросту лепш засвойваюць і запамінаюць інфармацыю, калі праводзіць заняткі ў гульнявой форме і з пастаяннай зменай відаў дзейнасці. Таму мерапрыемства было пабудавана такім чынам, каб дзеці хутка не стаміліся. Вясёлыя віктарыны і конкурсы, пазнавальныя мультфільмы «Чароўная кніга МНС», пакінулі ў дзяцей яркія эмоцыі і ўражанні.

Разам з работнікамі МНС малышы ўспомнілі нумары пажарнай службы, алгарытм выкліку ратавальнікаў, а таксама разабралі небяспечныя і бяспечныя сітуацыі. Завяршылася мерапрыемства сумесным фатаграфаваннем.