Глыбокае. Пажарна-прафілактычная работа ў жылым сектары Глыбоцкага раёна

З мэтай папярэджання пажараў і гібелі людзей ад іх на тэрыторыі Глыбоцкага раёна прайшла шырокая маштабная прафілактычная работа, а гэта значыць, што зацікаўленыя службы штодзень у страі, нават у выхадныя дні.

У цэнтры ўвагі – домаўладанні адзінокіх і адзінока пражываючых грамадзян, інвалідаў, шматдзетных сем'яў, сем'яў, дзе дзеці знаходзяцца ў сацыяльна-небяспечным становішчы, грамадзян, якія злоўжываюць спіртнымі напоямі.

У выхадны дзень, калі большасць грамадзян знаходзяцца дома, задача ратавальнікаў зайсці ў кожнае домаўладанне, абследаваць яго на прадмет пажарнай бяспекі, а выявіўшы парушэнні, даць рэкамендацыі па іх ліквідацыі.

— Пажарная бяспека ў доме — важны аспект, які дазваляе прадухіліць узнікненне пажараў і абараніць жыццё і маёмасць. Нашы асноўныя рэкамендацыі па забеспячэнні пажарнай бяспекі ў доме ці кватэры: устаноўка аўтаномнага пажарнага апавяшчальніка, спраўнасць электраправодкі, кухонная бяспека, ацяпляльныя прыборы і іншыя ацяпляльныя прыборы павінны выкарыстоўвацца толькі спраўныя, - адзначае намеснік начальніка Глыбоцкага раённага аддзела па надзвычайных сітуацыях Руслан Ермаковіч.

Работнікі МНС указалі на наяўныя недахопы і далі рэкамендацыі па іх ліквідацыі. Абследуючы домаўладанні, ратавальнікі раз'яснілі меры бяспекі ў побыце, нагадалі правілы карыстання электрапрыборамі і печамі, праверылі спраўнасць аўтаномных пажарных апавяшчальнікаў, пры неабходнасці замянілі элементы харчавання. Таксама гаспадарам нагадалі аб правілах бяспечнага навядзення парадку на прыдамавой тэрыторыі.

Работнікі па надзвычайных сітуацыях уручаюць памяткі па выкананні мер пажарнай бяспекі з падрабязным апісаннем дзеянняў у выпадку ўзнікнення пажару і нумарамі экстранных службаў, а таксама рэкамендуюць жыхарам засцерагчы сваё жыллё – усталяваць у жылых пакоях аўтаномны пажарны апавяшчальнік.

Жыццё паказвае, што пажарна-прафілактычная работа прыносіць свае плады. Тым не менш, у пытаннях забеспячэння бяспекі ўласнага жылля галоўная роля застаецца ўсё ж за ўладальнікам.