Глыбокае. Сустрэчы з жыхарамі аддаленых вёсак

У невялікай вёсцы, ад якой да горада дзясяткі кіламетраў, жыццё цячэ мерна. У такіх месцах аўталаўка не проста крама на колах, а сапраўдны цэнтр прыцягнення, месца, дзе можна не толькі купіць самае неабходнае, але і абмяняцца навінамі, сустрэць суседзяў. І менавіта тут можна ўбачыць людзей у форме МНС, якія спяшаюцца нагадаць аб важнасці выканання правілаў бяспекі.

На першы погляд, гэта можа здацца нечаканым. Але для работнікаў МНС, асабліва ў сельскай мясцовасці, аўталаўка стала своеасаблівым «мабільным штабам» для зносін з насельніцтвам.

Бо прыязджае яна ў самыя аддаленыя куткі. Гэта дазваляе ахапіць максімальную колькасць жыхароў, у тым ліку пажылых людзей і тых, хто не мае магчымасці дабрацца ў горад.

Ратавальнікі нагадваюць пакупнікам аб асноўных прычынах, якія могуць прывесці да ўзнікнення надзвычайнай сітуацыі, распавядаюць, як засцерагчы сябе ад пажару, тлумачаць правілы паводзін у экстраннай сітуацыі. Асобнай тэмай маршруту бяспекі становіцца аўтаномны пажарны апавяшчальнік. Асноўная рэкамендацыя ад ратавальнікаў, вядома, абсталяваць свае домаўладанні аўтаномнымі пажарнымі апавяшчальнікамі і пастаянна сачыць за яго спраўнасцю. Звяртаюць увагу на правілы эксплуатацыі печанага ацяплення.

«Сложнага ў эксплуатацыі печанага ацяплення нічога няма, але гэта справа сур'ёзная і адказная. З надыходам такіх маразоў важна правільна тапіць печ», — каментуе інспектар прапаганды Дар'я Зайкоўская. «На нашай печы мноства памылак. Якія, давайце разбяром разам», — дадае работнік МНС.

Для жыхароў аддаленых вёсак такія сустрэчы не проста фармальнасць. Гэта магчымасць адчуць, што пра іх памятаюць, што іх бяспека важная.