Глыбокае. Маладыя ратавальнікі і работнікі МНС распальваюць «агонь» ведаў

Работнiкi МНС праводзяць прафiлактычныя мерапрыемствы i ўрокi бяспекi ў школах, каб навучыць дзяцей i дарослых правiльна дзейнiчаць у надзвычайных сiтуацыях i прадухiлiць небяспечныя здарэннi.

 

Вакацыi – час падвышанай рызыкi: дзеці больш гуляюць, даследуюць новыя месцы, спрабуюць сябе ў новых актыўнасцях. Менавіта таму прафілактыка адыгрывае ключавую ролю ў прадухіленні няшчасных выпадкаў. Дзякуючы «урокам бяспекі», якія праводзяць работнікі МНС, дзеці атрымліваюць веды, якія дапамогуць ім у нештатнай сітуацыі. І ў такіх сустрэчах да работнікаў МНС далучыліся актывісты Беларускай маладзёжнай арганізацыі ратавальнікаў-пажарных – юныя, але ўжо адданыя справе бяспекі.

Гэтыя хлопцы не проста актывісты маладзёжнай арганізацыі, а будучыя ратавальнікі, якія ўжо сёння робяць крокі насустрач прафесіі. Разам з работнікамі МНС яны ўдзельнічаюць у выязных сустрэчах, праводзяць інтэрактыўныя заняткі.

У сонечныя дні юныя ратавальнікі і работнікі Глыбоцкага раённага аддзела па надзвычайных сітуацыях прыходзяць у школьныя лагеры, каб узброіць дзяцей галоўнай зброяй – веданнем. Не запалохваючы, а натхняючы, яны распавядаюць, як паводзіць сябе пры пажары, што рабіць, калі знойдзены падазроны прадмет, чаму важна выконваць правілы бяспекі.

Дзякуючы такім сустрэчам нават самыя маленькія жыхары вучацца не панікаваць, а дзейнічаць пісьменна, прадухіляюцца рэальныя пагрозы і няшчасныя выпадкі.

Вельмі важна, каб кожнае дзіця ведала, як абараніць сябе і дапамагчы іншым. І пакуль ратавальнікі дзеляцца вопытам, у дзіцячых сэрцах запальваецца агончык адказнасці – маленькі, але вельмі важны.