Гарыць трава і гінуць людзі

16 сакавіка 2022

Паведамленні на пульт «101» аб гарэнні сухой расліннасці паступаюць штодня і некалькі разоў на дзень, нягледзячы на ўстойлівы мінус на слупку тэрмометра, людзі пачалі прыводзіць свае прысядзібныя ўчасткі ў парадак пасля зімы не зусім бяспечным спосабам - пры дапамозе агню.

9 сакавіка дыспетчару Іўеўскага раённага аддзела МНС паступіла паведамленне аб загаранні сухой расліннасці ў вёсцы Дзевергі. Прыбыўшыя падраздзяленні ратавальнікаў спынілі агнявую хвалю, якая падбіралася да пабудоў. На выпаленай зямлі выявілі без прыкмет жыцця пенсіянерку, 1940 года нараджэння.

12 сакавіка 2022 у службу выратавання паступіла паведамленне аб пажары сухой расліннасці (травы) у вёсцы Міхедавічы Петрыкаўскага раёна. Па прыбыцці да месца выкліку ратавальнікаў было ўстаноўлена, што адбываецца адкрытае гаранне сухой расліннасці на прысядзібным участку. Пры правядзенні разведкі на тэрыторыі выгарэлай травы выяўлена моцна абгарэлае цела пенсіянеркі, 1935 года нараджэння, якая пражывала ў суседнім доме палаючага ўчастка.

Прычыны пажараў устанаўліваюцца. Разгляданая версія – неасцярожнае абыходжанне з агнём.

Для таго, каб пазбегнуць пажару па прычыне выпальвання сухой расліннасці, ратавальнікі рэкамендуюць захоўваць наступныя правілы:

1. Ні ў якім разе не паліце траву. Акрамя таго, што гэта шкодна для раслін і жывёл, палы могуць быць небяспечныя і для чалавека. Не пакідайце палаючы агонь без нагляду. Старанна тушыце недакуркі і запалкі перад тым, як выкінуць іх;

2. Калі вы заўважылі пажар – не праходзьце міма. Траву, якая пачынае гарэць, вы зможаце патушыць самастойна. Пры тушэнні падручнымі сродкамі можна збіваць полымя з кромкі пажару вязанкай прутоў або галінак лісцевых дрэў, альбо ж закідаць кромку пажару пяском;

3. Патушыўшы пажар, не сыходзьце да таго часу, пакуль не пераканаецеся, што агонь не разгарыцца зноў;

4. Калі ж вы разумееце,

калі самастойна патушыць полымя не ўдасца, неадкладна паведаміце аб тым, што здарылася па тэлефоне 101 або 112 і паспрабуйце як мага хутчэй пакінуць месца пажару.

Колькі яшчэ павінна загінуць людзей, каб людзі нарэшце зразумелі, што выпальванне сухой расліннасці ні да чаго добрага не прыводзіць, а нясе толькі некантралюемае гарэньне, разбурэнне і гібель! Будзьце разважлівыя і не падвяргайце сваё жыццё і жыццё блізкіх людзей небяспецы!