Комплекс прафілактычных мерапрыемстваў па вываду з абароту незарэгістраванай зброі, боепрыпасаў, выбуховых рэчываў і выбуховых прылад

19 мая 2026

У мэтах процідзеяння незаконнаму абароту зброі, боепрыпасаў, выбуховых прылад і выбуховых рэчываў, а таксама аздараўлення крымінагеннай абстаноўкі, звязанай з іх прымяненнем на тэрыторыі Віцебскай вобласці з 19 па 31 мая 2026 года пачата ажыццяўленне комплексу прафілактычных мерапрыемстваў па вываду з абароту незарэгістраванай зброі, боепрыпасаў, выбуховых рэчываў і выбуховых прылад, у межах якога грамадзяне з заявай могуць звярнуцца ў аддзел унутраных спраў Глыбоцкага райвыканкама аб добраахвотнай здачы зброі і боепрыпасаў. Варта адзначыць, што грамадзяне, якія здалі зброю, боепрыпасы, выбуховыя рэчывы ў добраахвотным парадку, вызваляюцца ад крымінальнай і адміністрацыйнай адказнасці.
Нягледзячы на прымаемыя меры, застаецца актуальнай праблема захоўвання грамадзянамі неўлічанай зброі, што прыводзіць да здзяйснення з яе выкарыстаннем злачынстваў і суіцыдаў.
Шмат небяспечных прадметаў дастаюцца ўладальнікам ад памерлых сваякоў, у тым ліку ўдзельнікаў Вялікай Айчыннай вайны. Франтавікі захоўвалі рарытэты не адно дзесяцігоддзе, але часта не паказвалі тайнікі нават самым блізкім. Цяпер спадкаемцы нямала дзе натыкаюцца на зброю ў дамах або гаспадарчых пабудовах, напрыклад, падчас рамонту.
Знайшоўшы зброю, якая належала нябожчыку, трэба адразу паведаміць пра гэта праваахоўнікам, перавозіць знаходку самастойна не рэкамендуецца, гэта тычыцца як зарэгістраваных, так і неўлічаных адзінак. Калі нябожчык валодаў зброяй на законных падставах, супрацоўнікі міліцыі возьмуць яе на адказнае захоўванне. Пасля ўступлення ў правы спадкаемства новы гаспадар распарадзіцца маёмасцю па сваім меркаванні. У тым ліку зможа перадаць на ўтылізацыю або прадаць.
Па-ранейшаму цёмны рынак насычаюць чорныя капальнікі. Яны адпраўляюцца па месцах баёў Вялікай Айчыннай вайны з металашукальнікамі і часам падымаюць з-пад зямлі цэлыя арсеналы. Адны калекцыянуюць рарытэты, іншыя іх прадаюць.
А ведь за гэта пагражае суровае пакаранне…
Незаконнае выраб, набыццё, збыт, захоўванне, перавозка, нашэнне агнястрэльнай зброі (акрамя паляўнічай гладкаствольнай), боепрыпасаў, выбуховых рэчываў, выбуховых прылад караюцца пазбаўленнем волі на тэрмін да сямі гадоў. Фігурант, які здзейсніў гэтае дзеянне паўторна або ў групе асоб па папярэдняй змове, рызыкуе правесці ў папраўчай установе да 12 гадоў. Суд можа прызначыць вінаватаму і штраф.
Нелегальнае валоданне гладкаствольнай зброяй цягне адміністрацыйную адказнасць: грашовае спагнанне ў памеры ад 10 да 30 базавых велічынь з магчымасцю пазбаўлення права займацца пэўнай дзейнасцю.
Праваахоўнікі ўдзячныя ўсім, хто паведаміць аб незаконна захоўваемай зброі або здасць яе, за актыўную грамадзянскую пазіцыю. Вы ўратуеце не толькі сябе, але і навакольных, паколькі такія прадметы могуць трапіць у рукі злачынцаў.
У мэтах прадухілення крадзяжоў зброі АУС рэкамендуе яе ўладальнікам абсталяваць жылыя памяшканні або месцы яе захоўвання ахоўнай сігналізацыяй з падключэннем яе на пульт цэнтралізаванага назірання падраздзяленняў Дэпартамента аховы МУС Рэспублікі Беларусь.
Па тэлефонах 8-029-5972174, 30859, 58121 або па тэлефоне 102. Вы можаце паведаміць інфармацыю аб незаконна захоўваемай зброі, боепрыпасах і выбуховых рэчывах, а таксама атрымаць інфармацыю аб парадку добраахвотнай здачы такіх прадметаў.

Старшы інспектар па дазвольнай рабоце
аддзела аховы правапарадку і прафілактыкі
АУС Глыбоцкага райвыканкама                              Юрый Вайцяховіч