Летні патруль

28 чэрвеня 2022

У рамках акцыі «Вакацыі без дыму і агню» актывісты моладзевай грамадскай арганізацыі ратавальнікаў-пажарных з Падсвільскай школы разам з інспектарам МНС адправіліся на возера «Мушкат» у горадзе Глыбокае.

Работнікі раённага таварыства выратавання на водах радасна сустрэлі юных памочнікаў на сваёй выратавальнай станцыі, дзе правялі з дзецьмі інструктаж, паказалі ўсё сваё абсталяванне і пракаціліся на лодцы па мясцовым возеры.

Каб адпачынак не скончыўся трагедыяй, усім адпачывальнікам ля азёр маладыя ратавальнікі, заўважныя здалёк, расказвалі аб правілах паводзін на вадзе, тлумачылі, як паводзіць сябе ў выпадку непрадбачанай сітуацыі – у прыватнасці, алгарытм дзеянняў пры выратаванні чалавека, які тоне, і правілы аказання дамедыцынскай дапамогі пацярпеламу. Ратавальнікі яшчэ раз нагадалі, да якіх наступстваў можа прывесці невыкананне элементарных правілаў бяспекі.

МНС нагадвае! Па дадзеных АСВОД у Беларусі штогод на вадаёмах гіне велізарная колькасць людзей, у тым ліку і дзяцей. Выконвайце правілы бяспекі на вадзе. Не дазваляйце дзецям самастойна праводзіць час на вадаёме!