Лепш вучыцца на чужых памылках

13 красавіка 2022

У Глыбоцкім раёне ў рамках акцыі «За бяспеку разам!» ратавальнікі працягваюць актыўную працу па папярэджанні насельніцтва аб забароне выпальвання сухой расліннасці на корані, наступствах і адказнасці пры невыкананні правілаў пажарнай бяспекі.

Гэтым разам разам з работнікамі міліцыі, тэрытарыяльнага цэнтра сацыяльнага абслугоўвання насельніцтва і мясцовых органаў улады азнаямленчыя камісіі адправіліся па вуліцах Азярэцкага і Псуеўскага сельсаветаў, а таксама па горадзе Глыбокае.

З мясцовым насельніцтвам пагутарылі аб недапушчальнасці выпальвання сухой расліннасці на корані, уручылі ім тэматычныя памяткі і буклеты. Удзельнікі рэйду, размаўляючы з грамадзянамі, прывялі прыклады трагічных пажараў, якія адбыліся ўжо ў бягучым годзе ад выпальвання сухой травы. Не лішнім было і напамін усім жыхарам асноўных правілаў пажарнай бяспекі пры распальванні вогнішчаў і адказнасці за парушэнне заканадаўства.

МНС нагадвае: Не пакідайце ў месцах адпачынку непатушаныя вогнішчы, запалкі, недакуркі, шкляныя бутэлькі, бо гэта можа прывесці да пажару.