Лукашэнка адзначыў значны ўклад інжынерных войскаў у забеспячэнне ваеннай бяспекі дзяржавы
21 студзеня 2026
Прэзідэнт Беларусі Аляксандр Лукашэнка павіншаваў асабовы склад і ветэранаў інжынерных войскаў Узброеных Сіл з прафесійным святам – Днём інжынерных войскаў. Аб гэтым БЕЛТА паведамілі ў прэс-службе кіраўніка дзяржавы."Характэрна, што сёлета мы адзначаем 325-ю гадавіну з дня іх утварэння, падкрэсліваючы традыцыі і пераемнасць з гераічнай гісторыяй нашых продкаў, – адзначыў беларускі лідар. – У гэтай гісторыі шмат слаўных старонак, у тым ліку ўзоры беспрэцэдэнтнай стойкасці і мужнасці савецкіх воінаў на палях Вялікай Айчыннай вайны, пасляваеннае аднаўленне краіны, а таксама па-сапраўднаму тытанічная праца салдат і афіцэраў інжынерных войскаў падчас ліквідацыі наступстваў аварыі на Чарнобыльскай станцыі".
Аляксандр Лукашэнка адзначыў, што інжынерныя войскі Беларусі, якія сёння аснашчаны самымі сучаснымі ўзорамі ўзбраення і тэхнікі, уносяць значны ўклад у забеспячэнне ваеннай бяспекі дзяржавы, вырашаючы адказныя задачы па бяспечным функцыянаванні ваеннай і грамадзянскай інфраструктуры, ліквідацыі наступстваў розных надзвычайных сітуацый і абясшкоджванні выбухованебяспечных прадметаў.
"Жадаю вам, вашым родным і блізкім моцнага здароўя, шчасця, дабрабыту і новых поспехаў у стваральнай ратнай працы па ўмацаванні абараназдольнасці Рэспублікі Беларусь", – гаворыцца ў віншаванні.