Лукашэнка: намаганнямі многіх пакаленняў медыкаў у Беларусі пабудавана эфектыўная сістэма аказання меддапамогі
17 чэрвеня 2025
Прэзідэнт Беларусі Аляксандр Лукашэнка павіншаваў работнікаў аховы здароўя з прафесійным святам - Днём медыцынскіх работнікаў. Пра гэта БЕЛТА паведамілі ў прэс-службе кіраўніка дзяржавы.
"Гэта дзень ушанавання людзей адной з самых высакародных прафесій, у якую ідуць па закліку сэрца, разумеючы, што яна патрабуе беспрэцэдэнтнай самааддачы, цярпення і штодзённай карпатлівай працы. Намаганнямі многіх пакаленняў беларускіх медыкаў у краіне пабудавана і функцыянуе даступная і эфектыўная сістэма аказання медыцынскай дапамогі. Мы ганарымся тым, што захавалі і развіваем як традыцыйныя, так і новыя напрамкі ў сферы, будуем бальніцы і паліклінікі, набываем сучаснае абсталяванне, паспяхова асвойваем у кожным кутку Беларусі інавацыйныя метады дыягностыкі і лячэння для павышэння якасці жыцця людзей", - гаворыцца ў віншаванні.
Аляксандр Лукашэнка адзначыў, што сёння час ставіць перад галіной глабальныя задачы: не зніжаючы тэмпаў правядзення актуальных навуковых даследаванняў, укараняць перадавыя тэхналогіі, вырошчваць маладых спецыялістаў - годных прадаўжальнікаў лепшых традыцый айчыннай медыцыны.
Прэзідэнт выказаў падзяку ўсім работнікам і ветэранам аховы здароўя за працу і пажадаў іх родным і блізкім шчасця, дабрабыту, міру і дабра.
Віншаванне Прэзідэнта Беларусі з Днём медыцынскіх работнікаў
Работнікам аховы здароўя Рэспублікі Беларусь
Дарагія сябры!
Віншую вас з прафесійным святам - Днём медыцынскіх работнікаў.
Гэта дзень ушанавання людзей адной з самых высакародных прафесій, у якую ідуць па закліку сэрца, разумеючы, што яна патрабуе беспрэцэдэнтнай самааддачы, цярпення і штодзённай карпатлівай працы.
Усімі намаганнямі многіх пакаленняў беларускіх медыкаў у краіне пабудавана і функцыянуе даступная і эфектыўная сістэма аказання медыцынскай дапамогі. Мы ганарымся тым, што захавалі і развіваем як традыцыйныя, так і новыя напрамкі ў сферы, будуем бальніцы і паліклінікі, набываем сучаснае абсталяванне, паспяхова асвойваем у кожным кутку Беларусі інавацыйныя метады дыягностыкі і лячэння для павышэння якасці жыцця людзей.
Сёння час ставіць перад вамі глабальныя задачы: не зніжаючы тэмпаў правядзення актуальных навуковых даследаванняў, укараняць перадавыя тэхналогіі, вырошчваць маладых спецыялістаў - годных прадаўжальнікаў лепшых традыцый айчыннай медыцыны.
Дзякую за працу ўсім работнікам і ветэранам аховы здароўя. Жадаю вашым родным і блізкім шчасця, дабрабыту, міру і дабра.
Аляксандр Лукашэнка.
15 чэрвеня 2025 г.