Мінэканомікі абвяшчае аб старце конкурсу «БізнесМАМА»

16 сакавіка 2026

Міністэрства эканомікі сумесна з Беларускім саюзам жанчын
і ААТ «Белінвестбанк» пры падтрымцы Міністэрства працы і сацыяльнай абароны абвяшчае аб старце конкурсу на лепшую бізнес-ідэю, бізнес-праект «БізнесМАМА».

Мэта Конкурсу – папулярызацыя прадпрымальніцкай дзейнасці беларусак, падтрымка праектаў, накіраваных на развіццё жаночага бізнесу, садзейнічанне фарміраванню ў жанчын неабходных кампетэнцый і ведаў для арганізацыі ўласнай справы.
Удзельнікі
Конкурс праводзіцца сярод жанчын, якія выхоўваюць дзяцей ва ўзросце
да 3-х гадоў. Кожная ўдзельніца можа прадставіць толькі адну працу. Тэматыка бізнес-ідэй і бізнес-праектаў не абмежавана.
Этапы конкурсу
1 этап – адбор заявак – праводзіцца завочна з 3 красавіка па 3 жніўня 2026 года;
2 этап – прэзентацыя работ – праводзіцца ў офлайн-фармаце з 4 жніўня
па 1 кастрычніка 2026 г.
3 этап – падвядзенне вынікаў – праводзіцца з 2 па 14 кастрычніка 2026 г.
Прызы
Пераможцамі Конкурсу прызнаюцца тры ўдзельніцы, якія ўзнагароджваюцца дыпломамі Мінэканомікі і спецыяльнымі падарункамі
ад партнёраў Конкурсу. Конкурсныя работы якіх заслужылі асаблівую ўвагу, па рашэнні экспертнай камісіі могуць быць адзначаны заахвочвальнымі падарункамі ад арганізатараў і партнёраў Конкурсу.
Падрабязная інфармацыя аб конкурсе:
на афіцыйных сайтах Міністэрства эканомікі Рэспублікі Беларусь (www.economy.gov.by) і Міністэрства працы і сацыяльнай абароны Рэспублікі Беларусь (www.mintrud.gov.by).

Запрашаем самых ініцыятыўных і творчых «бізнес-мам» да ўдзелу і жадаем поспеху!