Міністр культуры, заслужаны артыст Рэспублікі Беларусь Руслан Чарнецкі з рабочым візітам наведаў Глыбокае

Паездка праходзіць у рамках правядзення Адзінага дня інфармавання.

У Глыбоцкім гарадскім доме культуры Руслан Чэрнецкі азнаёміўся з выступленнем народнага тэатра фальклору «Цярэшка» і з выставай народнай творчасці Глыбоцкага раёна.

У глядзельнай зале дома культуры Руслан Чэрнецкі выступіў з дакладам па тэме Адзінага дня інфармавання «Здаровая нацыя як аснова развіцця Беларусі», а таксама адказаў на пытанні ўдзельнікаў сустрэчы.

Творчых работнікаў Глыбоцкага раёна цікавілі пытанні аб праве льготнага выкарыстання архіўных матэрыялаў, ролі штучнага інтэлекту ў мастацтве і асаблівасці акцёрскай прафесіі.

У рамках рабочага візіту ў Глыбокае Міністр культуры Руслан Чэрнецкі наведаў Глыбоцкую дзіцячую школу мастацтваў, плошчу 17 Верасня і Глыбоцкую цэнтральную раённую бібліятэку.

Міністр культуры Рэспублікі Беларусь Руслан Чэрнецкі правёў прыём грамадзян і «прамую тэлефонную лінію» у Глыбоцкім райвыканкаме пры ўдзеле начальніка ўпраўлення культуры Віцебскага аблвыканкама Пятра Падгурскага, намесніка старшыні Глыбоцкага райвыканкама Таццяны Тарасевіч і загадчыка сектара культуры Глыбоцкага райвыканкама Таццяны Матюшонак.

Да Міністра звярнулася Валянціна Аляксандраўна, якая выказала падзяку работнікам сферы культуры Глыбоцкага раёна за іх чуласць і разуменне.

Яна расказала, што яе дачка з унукамі вярнуліся ў Беларусь з Украіны, ратуючыся ад баявых дзеянняў. Сям'я сутыкнулася з цяжкасцямі пры афармленні дакументаў для паступлення дзяцей у школу мастацтваў. Дырэктар школы Наталля Барыла пайшла нам насустрач і ўнукаў залічылі ў найкарацейшыя тэрміны.

Валянціна Аляксандраўна падкрэсліла, што сям'я адчувае падтрымку і разуменне з боку мясцовых улад.