На вакзале аб бяспецы

24 мая 2022

У межах першага этапу рэспубліканскай акцыі «Не пакідайце дзяцей адных!» глыбокскія ратавальнікі арганізавалі пляцоўкі бяспекі і правялі прапагандысцкае мерапрыемства на чыгуначным вакзале.

Галоўнымі ўдзельнікамі мерапрыемства сталі дзеці разам са сваімі бацькамі.

У межах мерапрыемства праводзіліся конкурсы і віктарыны на веданне асноў бяспекі жыццядзейнасці, гутаркі з прысутнымі. З удзельнікамі акцыі правялі міні-апытанне па дзеяннях у розных надзвычайных сітуацыях падчас канікул. Ахвотныя змаглі самастойна ўсталяваць аўтаномны пажарны апавяшчальнік, патушыць узгаранне патэльні на газавай пліце, пагуляць у старую і добрую гульню з галоўнымі героямі мультфільма з Чароўнай кнігі МНС «Крыжыкі нулікі».

На памяць разам са ведамі ўдзельнікі акцыі атрымаюць буклеты «Не пакідайце дзяцей адных!».

Паважаныя грамадзяне! МНС нагадвае: правярайце стан электраправодкі ў домаўладанні, не дапускайце курэнне ў ложку, не пакідайце малалетніх дзяцей без нагляду. У выпадку надзвычайнай сітуацыі тэлефанаваць па нумарах 101 і 112.