Не пакідайце дзяцей адных!

10 мая 2023

Для прыцягнення ўвагі да праблемы дзіцячага свавольства з агнём і гібелі дзяцей на пажарах, для зніжэння колькасці надзвычайных сітуацый з удзелам дзяцей і забеспячэння іх агульнай бяспекі (дома, на вуліцы і на адпачынку) у перыяд з 10 мая па 1 чэрвеня ў Глыбоцкім раёне, а таксама ва ўсіх абласных і раённых цэнтрах, пройдзе рэспубліканская акцыя «Не пакідайце дзяцей адных!», прымеркаваная да Міжнароднага дня сям'і і Міжнароднага дня абароны дзяцей.

Незвычайная фармулёўка «дзіцячае свавольства» ў апошнія гады трывала ўвайшла ў тэрміналогію ратавальнікаў. Чулі, памятаем, але кожны раз чамусьці выходзіць адно і тое ж... Статыстыка няшчасных выпадкаў і пажараў паказвае, што большасць з іх адбываецца па прычыне дзіцячага свавольства. Першая і галоўная памылка бацькоў, якую яны, на жаль, разумеюць занадта позна, - пакідаць дзяцей дома адных без нагляду. У грамадстве бытуе меркаванне, што дзеці гінуць толькі ў нядбайных бацькоў. На самай справе – бяда нікога не абмінае.

Псіхалогія дзіцяці такая, што ў выпадку пажару ён не ўцякае, а пачынае хавацца ад агню - у шафе, пад ложкам. І гэта вельмі небяспечна, таму што можна хутка задыхнуцца ад угарнага газу, і ратавальнікам у такім выпадку складаней знайсці дзіця. Бацькі павінны растлумачыць дзецям, што ў выпадку пажару самае галоўнае - прыцягнуць увагу: патэлефанаваць па тэлефоне, гучна крычаць і, канешне, як мага хутчэй уцячы з гарачага памяшкання. Той, хто хаця б раз бачыў пажар, ведае, колькі ён можа прычыніць гора. І трэба старацца ўнушыць гэта дзіцяці, пачынаючы з ранняга ўзросту. Ён павінен засвоіць, што з агнём трэба абыходзіцца асцярожна.

Ратавальнікі запрашаюць усіх бацькоў прыняць удзел у акцыі!