30 мая 2025

Кіраўніцтва Глыбоцкага раёна павіншавала з днём абароны дзяцей

Дарагія хлопчыкі і дзяўчынкі! Паважаныя бацькі!

Ад імя кіраўніцтва Глыбоцкага раёна прыміце шчырыя віншаванні з Міжнародным днём абароны дзяцей.

Самыя светлыя, чыстыя і добрыя ўспаміны ў кожнага з нас звязаныя з дзяцінствам – часам, калі шчыра верыш у цуд, радуешся кожнаму новаму дню. Таму так важна гэтае свята і для дарослых, якія нясуць адказнасць за паўнавартаснае і гарманічнае развіццё маладога пакалення. Мы павінны зрабіць усё, каб дзеці адчувалі сябе пад надзейнай абаронай, атрымалі добры старт у жыцці.

Вельмі прыемна, што ў нашым раёне з юным пакаленнем працуюць выдатныя педагогі, выхавальнікі, майстры сваёй справы, якія дапамагаюць нашым дзецям раскрыць свае таленты ў вучобе, дабівацца сапраўдных перамог у творчасці і спорце.

Няхай кожнае дзіця адчувае сябе важным і патрэбным, а яго правы і інтарэсы заўсёды будуць абаронены. Жадаем нашым дзецям здароўя, удачы і поспехаў ва ўсіх пачынаннях, вясёлых канікулаў, новых сяброў і добрага настрою.

Глыбоцкі раённы выканаўчы камітэт.

Глыбоцкі раённы Савет дэпутатаў.