Паважаныя спартсмены, ветэраны спорту, а таксама ўсе прыхільнікі актыўнага і здаровага ладу жыцця Глыбоцкага раёна!
Ад імя кіраўніцтва Глыбоцкага раёна віншуем вас з Днём работнікаў фізічнай культуры і спорту!
Гэтае свята аб’ядноўвае ўсіх прыхільнікаў спорту і здаровага ладу жыцця. Спорт нясе людзям здароўе, сілу, прыгажосць, пазітыў, гартуе характар і вучыць пераадольваць цяжкасці. Радуе, што здаровы лад жыцця з’яўляецца нормай для многіх з нас.
Глыбоцкая зямля ганарыцца сваімі высокімі спартыўнымі дасягненнямі. Перамогі нашых спартсменаў у розных першынствах выклікаюць пачуццё гонару за наш раён.
Жадаем усім моцнага здароўя, невычэрпнай энергіі, даўгалецця, веры ў свае сілы і новых перамог на спартыўных арэнах! Няхай заняткі спортам прыносяць задавальненне, робяць жыццё больш разнастайным і цікавым!

Максім Бакураў, старшыня Глыбоцкага раённага выканаўчага камітэта
Вера Цяліца, старшыня Глыбоцкага раённага Савета дэпутатаў