19 сентября 2025

Кіраўніцтва раёна павіншавала работнікаў і ветэранаў лясной гаспадаркі Глыбоччыны са святам

Паважаныя работнікі і ветэраны лясной гаспадаркі Глыбоччыны!

Ад імя кіраўніцтва раёна прыміце шчырыя віншаванні з прафесійным святам – Днём работнікаў лесу!

Праца лесаводаў не толькі высакародная па сваім прызначэнні, але і вельмі важная для развіцця эканомікі краіны. Бо лес для Беларусі – адзіная пастаянна аднаўляльная крыніца сыравіны і энергіі. Таму, зберагаючы зялёныя ўгоддзі Глыбоцкага раёна, ажыццяўляючы вялікую працу па аднаўленні і прымнажэнні лясоў, вы ўносіце неацэнны ўклад у сацыяльна-эканамічнае развіццё краіны.

Упэўнены, што багаты вопыт работнікаў лясной гаспадаркі раёна і іх працавітасць дапамогуць і далей паспяхова спраўляцца з усімі задачамі, якія стаяць перад галіной.

Ад душы выказваем усім работнікам, ветэранам галіны прызнанне за нялёгкую працу.

Жадаем вам новых дасягненняў, упэўненасці ў будучым, энергіі і аптымізму! Моцнага здароўя, шчасця і сямейнага дабрабыту вам і вашым блізкім!

Пётр Бялусь, старшыня Глыбоцкага раённага выканаўчага камітэта.

Вера Цяліца, старшыня Глыбоцкага раённага Савета дэпутатаў.