10 октября 2025

Кіраўніцтва раёна павіншавала работнікаў і ветэранаў сферы культуры са святам

Паважаныя работнікі і ветэраны сферы культуры!

Ад імя кіраўніцтва Глыбоцкага раёна прыміце самыя цёплыя і шчырыя віншаванні з прафесійным святам – Днём работнікаў культуры.

Культура фарміруе духоўны здабытак нацыі, забяспечвае надзейную сувязь паміж пакаленнямі.

На вас ускладзена адказная місія па захаванні і памнажэнні культурнага і маральна-духоўнага патэнцыялу Глыбоччыны, фарміраванні сучаснай культурнай прасторы, якая злучае ў сабе наватарскія творчыя ідэі і ўнікальныя традыцыі і дасягненні глыбачан.

Асобыя словы падзякі ветэранам. Культура заўсёды была моцная традыцыямі, якія закладалі вы. Жадаем усім вам невычэрпнага творчага патэнцыялу і натхненні, новых здзяйсненняў і перамог! Няхай вас заўсёды атачаюць удзячныя знатакі вашай працы!

Упэўнены, што і надалей ваш талент і майстэрства будуць знаходзіць гарачы водгук у сэрцах жыхароў і гасцей нашага горада і раёна. Моцнага здароўя, міру, дабра і дабрабыту вам, вашым родным і блізкім!

Пётр Бялусь, старшыня Глыбоцкага раённага выканаўчага камітэта.

Вера Цяліца, старшыня Глыбоцкага раённага Савета дэпутатаў.