Глыбоцкі раённы выканаўчы камітэт, раённы Савет дэпутатаў шчыра віншуюць вас з прафесійным святам – Днём работнікаў бытавога абслугоўвання насельніцтва і жыллёва-камунальнай гаспадаркі!
Ад вашай працы, прафесіяналізму і адказнасці залежаць камфорт, дабрабыт жыхароў раёна, а ў канчатковым выніку, – якасць жыцця нашых грамадзян. Святло, водазабеспячэнне, утульнасць у дамах, чысціня і парадак у дварах і на вуліцах, якасныя бытавыя паслугі – усё гэта робіць камфортным наша паўсядзённае жыццё.
Шчырая падзяка ўсім за штодзённую, нялёгкую, адказную працу, за ўвагу да патрэб жыхароў, імкненне зрабіць Глыбоччыну больш прыгожай і ўтульнай.
Ад усёй душы жадаем вам мірнага неба, як мага больш яркіх імгненняў, запамінальных падзей і сонечных дзён. Моцнага здароўя, невычэрпнай энергіі, бадзёрасці духу, дабрабыту вам і вашым сем’ям!

Пётр Бялусь, старшыня Глыбоцкага раённага выканаўчага камітэта.

Вера Цяліца, старшыня Глыбоцкага раённага Савета дэпутатаў.