Глубокский районный исполнительный комитет

Глубокский районный исполнительный комитет

Кіраўніцтва раёна павіншавала жыхароў Глыбоччыны са святам Вялікадня

18 апреля 2025

Кіраўніцтва раёна павіншавала жыхароў Глыбоччыны са святам Вялікадня

Паважаныя жыхары Глыбоччыны, якія адзначаюць Вялікдзень 20 красавіка!



Ад імя Глыбоцкага раённага выканаўчага камітэта, раённага Савета дэпутатаў сардэчна віншуем вас са светлым святам Вялікадня!

Традыцыі гэтай светлай урачыстасці зыходзяць з глыбіні стагоддзяў. Хрыстова Уваскрасенне – вечнае свята абнаўлення, невычэрпная крыніца высокіх маральных каштоўнасцей хрысціянства.

Вялікдзень абуджае ў нас імкненне тварыць добрыя справы, дарыць людзям радасць і надзею, ахінаць цяплом і клопатам тых, хто мае патрэбу ў спагадзе, быць міласэрным і несці блізкім дабро.

Няхай жа светлае свята Вялікадня сагрэе вашы сэрцы верай і любоўю, напоўніць спакоем і ўтульнасцю дамы, дапаможа падняцца над мітуснёй і дробнымі разладамі, падорыць прыемныя моманты сустрэч з роднымі і блізкімі і надасць сіл.

Шчыра жадаем моцнага здароўя, дабрабыту, шчасця і поспехаў у добрых справах і пачынаннях!

З павагай,

Глыбоцкі раённы выканаўчы камітэт

Глыбоцкі раённы Савет дэпутатаў